展步新年，新的開始，家中定添置不少家品用具，鑊應是其中之一。傳統分生、熟鐵鑊，其後出現不金秀鋼、易潔鑊、黑金剛和複合金等，逾60年歷史的朱榮記雜貨店第二代老闆指無論甚麼款式，都必須知道如何開鑊、保養及用途等，「西餐仔細劃分煮食用具，然中菜鑊可炒炸蒸煎，鑊底呈弧形以便火力集中，使菜式更有鑊氣，故外形設計及製鑊物料皆蘊藏烹煮智慧」。
老店70年代開始賣鑊，他說當時香港仍有人手揼生鐵鑊，到90年代因成本問題多遷內地機造，「生鐵鑊硬重耐用，不易穿底，炒出菜式易熟帶鑊氣，惟須懂開鑊及保養」。首次使用前，將鑊洗淨，落肥豬肉爆至出油，接着取出肥肉加韭菜炒熟，最後保留油分至再煮前洗掉，「這方法使鐵料吸收油分，從而煮時不易黐底」。至於保養則為煮第二至第五次時，用後以開水煮沸清洗，倒水燒乾落肥豬肉炒，最後如開鑊時保留油分，「生鐵鑊可用10年，鑊面愈煮愈黑及光身為最好，若出現鑊屎，代表清潔不乾淨或鑊身開始變薄，此時便要更換」。由於耐用，故衍出生鐵鍋及適用於細爐頭的8吋鑊仔。
熟鐵鑊和黑金剛的開鑊及保養工序，比生鐵鑊少，熟鐵鑊輕身易打理，但易彎曲及易穿底。首先將鑊燒熱，倒滾水洗鑊面防金秀油便可；黑金剛另稱搪瓷鑊，比熟鐵鑊更薄更輕，先用滾水洗淨，易清潔，不生金秀及不易穿底，惟鑊面不可被硬物撞擊，若出現花紋便會黐底。科技日新月異，鑊款愈出愈多，不要本末倒置，輕視實用價值。智慧累積成文化，珍而重之去學習。 朱榮記：上環水坑口街26號地下 電話：25453560
四處搵食，尤喜懷舊食物，愛好下廚，搵人做白老鼠。