新年仲睇賀歲片？太老土喇。今年有個新潮流，就係睇大戲！繼真雪場後，時代廣場再次搞搞新意思，嚟緊會將露天廣場變成一個戲棚，仲同八和會館合作，安排咗十場粵劇，每逢六、日末就有好戲上演，重點係完全免費。
其實香港由20年代發展出以廣東話為主的粵劇，係本土過本土的事物，以前大時大節，睇大戲就好似宜家睇賀歲片一樣，係農曆新年嘅指定動作之一。今次時代廣場誓要一洗「大戲等同老土」嘅形象，請嚟一班二、三十歲嘅後生仔擔大旗，新鮮感同功架十足。同場展覽傳統例戲仲好切合新年主題：《香花山大賀壽》、《天姬送子》、《跳加官》等 ，祝福香港人「添壽、添丁、加官進爵」，非常好意頭。
話明潮睇大戲又點少得影相位呢，粵劇戲服華麗精緻，現場設有照相館等觀眾化身花旦同大老倌影相留念，多媒體角落可讓大家恍如穿上戲服留影，拍照後你的相片將成為動畫，讓你發送給親朋戚友拜年，呃like之餘又可以代替長輩圖轉發俾親友拜年，一舉兩得。
