上個禮拜介紹過am730個新App，裡面有好多video內容，以前只可用facebook睇，而家又可用App睇，好方便，想搵番早前嘅內容亦較容易。上次講到立法會前主席曾鈺成個網上視像專欄「字言字語」，解釋「步」字正寫點解會少咁一點，好睇又學到嘢。估唔到今個禮拜講個「贏」字，又俾曾主席抽到水，佢話有人將個「贏」字作為競選標誌，無咗裡面最重要、代表金錢的「貝」字，似乎贏唔贏到都好有疑問。呢段片昨日喺facebook出咗，到晚上已經有接近4萬次瀏覽，吸睛能力好高。
Ray向am730友好打聽，下個禮拜二(今個禮拜因有假期才順延至周三)會講乜字，佢話係高度機密，只可以話係同時事有關，快D禮拜二啦。
