「ONE TWO THREE齊話聲456嗌陸WING...GO! 大大步走上前，大大步走屬於你自己嘅路，唔好著人地對鞋，走人地條路」
呢幾句Rap歌詞，你聯想到乜嘢？原來係牛下女車神李慧詩比賽歌單，其中一首「農夫」的《456 wing》，佢每次出賽都會聽呢首歌來自我鞭策。
運動場上英姿颯颯，但女車神話自己有聽歌的細胞，隨著不同節奏，會有不同反應，又覺得「農夫」的歌詞「很有意思，不單情歌，還有關於社會，由 2012年奧運開始聽到現在，比賽前會重複聽好多次。」
李慧詩最近接受馬會刊物《駿步人生》訪問，罕有談到好多競技場以外的生活，令大家可以認識一下女車神生活化的另一面，原來不比賽或不訓練時，佢一樣會打扮一下，包括搽指甲、化妝和買新衫。由於祖籍潮州，李慧詩最喜歡飲茶，簡直「普洱當水飲」。而佢從小最欣賞嘅藝人係謝霆鋒，對佢評語係：「中間有時反叛，最終創出自己的事業…不是每一個人都完美，要不斷在錯誤中學習和調校，再向更高的目標發展。」
唔講唔知，李慧詩習慣擁著「海龜」入睡，不過唔係真海龜，佢話：「每次出trip，都會帶一隻公仔陪瞓覺，攬住，就會覺得好安穩，好快瞓著。」而女車神鍾意海龜，係欣賞佢地有超強的生命力，一出世已經歷盡艱辛，由陸地爬入海，需要一段時間，有機會遇到敵人，海鷗又會食佢地，但入到大海，海龜便自由自在，李慧詩就係好嚮往呢種感覺。
