香港維多利亞港是世界三大夜景之一，可以話係百看不厭，個人覺得於尖東海旁睇維港，始終不及傳統的海港城一帶個角度咁壯觀，而Ray細細個已經成日去逛的海運大廈，雖然已經有50年歷史，但原來都可以起新嘢，與時並進，話說最近就出現咗個影靚相秘境，就係位於海運大廈末端的一個擁有270度維港景色的全新觀景台，可以盡覽港島及九龍兩邊景色。
呢個觀景台原來已經起咗4年，終於係今個7月開放部分樓層俾公眾入內。整座觀景台有五層，由國際知名建築師事務所Foster + Partners 設計，除了大部份地方都是餐廳外，有部份是郵輪上落的新碼頭，剩下的三分一地方就是開放予公眾的觀景台。海港城公關仲分享咗個心得，就是觀景台可以望到全港最靚的日落，亦係影相呃like 好地方。大家可以趁仲唔係好多人知的時候去打卡呃多幾個like！