香港交易所推出賀歲短片，由港交所主席周松崗和集團行政總裁李小加同大家拜年，最得意係安排咗兩隻大狗做特別嘉賓，兩人一邊chit chat講下未來一年大計，身邊兩隻大狗就一邊以吠來做和應，非常合拍。李小加係愛狗之人，佢拖住呢兩隻分別係鬥牛㹴(白色)，同德國牧羊犬(即狼狗)，聽聞佢哋上鏡之前，小加專登同佢哋去洗白白梳靚晒啲毛，一絲不苟㗎。小加話狗係人類最好嘅朋友，熱情、誠實、忠心、負責，而且仲有冒險精神。家陣香港討論緊引入同股不同權建議，李小加此話似有所指。周松崗則直接了當hard sell港交所大計，希望今年可完善上市規則，歡迎更多創新型公司來港上市。
