安達旅運與Peace Boat合作，舉行簽約儀式。
年輕人出外多見世面係好事，所以Ray都好贊成大家去working holiday等計劃，亦好欣賞有機構肯提供機會俾年輕人。噚日Ray去咗安達旅運與日本非政府組織(NGO)Peace Boat和平船的簽約儀式，佢哋首度將「海洋夢想號」嘅環球航程引入香港市場，除了為旅遊愛好者帶來嶄新又富意義的郵輪體驗，亦讓年輕人有機會登船工作兼免費環遊世界。
點解會有呢個機會？首先要介紹Peace Boat的背景，佢係以國際交流為目的而創立嘅，除咗係NGO，亦係非牟利組織(NPO)，以及具有聯合國經濟及社會理事會專門諮商資格的郵輪公司。自1983年起，本著促進和平及可持續發展的概念策劃航程，所以乘客的旅程中，除了觀光，亦會獲安排參與公益活動，例如探訪及送物資給貧童及建造房屋等，大家可以深入了解地道文化之餘，亦為改善當地人的生活出一分力。
今次的航程足有106日，明年5月8日由日本橫濱出發，途經地中海、北歐冰島，橫越北冰洋，前往北、南美洲，通過巴拿馬運河及太平洋後返航日本。係好精彩嘅，但旅程咁長，收費當然有番咁上下，年輕人未必可以負擔，所以可以試下參加和平船世界青年大使募集企劃。只要年齡介乎18至30歲以下，日語資格N1級，操流利英語會話，並有2次或以上個人海外旅遊經驗，便可報名參加佢哋另一個104日嘅航程，將於今年8月13日出發，仲有機會喺冰島睇北極光㖭！成功獲選者將獲全額贊助船票，雜費及來往日本的機票就要自行承擔。詳情可瀏覽www.lotustours.com.hk。
