香港專業人士聯會上周舉行就職禮，見證聯會主席潘德鄰醫生(下圖前排右4)及一眾理事上任，繼續為促進中港各專業界別間交流互動而群策群力，儀式由食物及衞生局長陳肇始(前排右3)主禮，佢坐足全晚，都好俾面。現場名人眾多，星光熠熠，單係本場刊都好重份量，因為收到包括特首林鄭月娥等80個名人題辭。大會安排香港希望之聲少兒合唱團和青年愛樂樂團表演，不過全晚亮點是由經民聯主席盧偉國表演色士風助興，皆因佢出動私人珍藏的「鑽石色士風」，吹奏二胡名曲《江河水》，中西合璧的fusion感覺好特別，台下都屏息靜聽，兼且D鑽石真係好閃。據聞盧偉國亦熱愛古琴，唔知遲下有冇機會與同是古琴高手的聯會主席潘醫生切磋，或者表演一下？
