香港迪士尼樂園第3間酒店──迪士尼探索家度假酒店，剛好喺五一勞動節假期前的周日開始營運。喺呢個大日子，迪士尼除了安排不同崗位嘅演藝人員，熱烈歡迎首批入住嘅賓客之外，仲為佢哋送上特別的證書，感謝佢哋嘅支持，期間，仲有米奇同米妮穿上全新探索主題服飾與賓客合照留念㖭。
首批入住新酒店的賓客，除了香港的一眾迪士尼粉絲之外，仲有來自內地、日本及台灣等區內不同地方遠道而來嘅旅客。適逢周末長假期，就可以有更多時間去探索呢間新酒店啦，話晒呢度設有4個主題庭園，擁有亞洲、非洲、南美洲及大洋洲獨特的景緻文化和醉人情懷，而且展示過千件由世界各地搜羅到的工藝品及珍藏，仲有香港迪士尼樂園度假區銷售及酒店營運副總裁王萬民的介紹，酒店內開咗3間全新餐廳包括雲龍軒、芊彩餐廳及星航圖咖啡廳。從視覺探索到味覺，唔多啲時間點探索得晒！
香港迪士尼開埋呢間酒店後，食住玩都豐富咗，唔怪得迪士尼話呢度將會成為本港居民理想的「宅度假」目的地啦！