2月14顛沛流離，2月14曲折離奇，Ray昨日單拖經過灣仔想食下午茶，幫襯謝斐道近鵝頸橋一間茶記，一坐低就見女店長拎住一箱熊公仔花束，逐枱派俾女顧客，作為情人節小心意。估不到茶記都如此有心兼落重本去冧客，同店長Cherry搭訕，原來該店晚上更提供包場服務，會有專誠由元朗出來灣仔的大廚，主理當晚「私房菜」，包括店長推介的重慶麻辣雞煲，而非一般茶記到會食品，睇嚟茶記都相當競爭激烈。Cherry更透露，之前仲有Busker駐場唱Live，其中「全民造星」的Oscar(OT)，上月就在餐廳自彈自唱，吸引不少途人在店外駐足欣賞同集郵，之後仲約定今晚包場再唱過……Cherry仲話，Busker唱Live會陸續有來，叫Ray留意佢地「和記餐廳-灣仔店」嘅面書Update添！
