試業咗一輪、麗新集團有份策劃的香港海洋公園萬豪酒店，終於昨日正式開幕，並且在酒店大宴會廳舉行開幕酒會，冠蓋雲集，到場嘉賓超過一千人，算係城中盛事，連行政長官林鄭月娥、中聯辦副主任仇鴻、外交部駐港副特派員趙建凱都俾面出席。而酒店大堂最搶眼的16米高、跨越3層樓的酒店水族館亦同時開放，大家又多一個打卡位。
麗新集團主席林建岳不忘推介酒店各項特色，其一是現場為全港島最大的1,200平方米無柱式酒店宴會廳，適合舉辦各項大型酒會、會議及喜宴，佢希望大家支持將呢個宴會廳打造成「盛事之廳」，果然不失旅發局主席身份。咁又係，有咗港鐵南港島線之後，海洋公園交通方便好多，可以同中環、金鐘及灣仔一帶同行競爭一下。據Ray所知，今年5月記協Ball籌款晚會都轉新場，睇中呢度，相信到時會好熱鬧。