Ray日前收到朋友傳來必看微電影，佢話片中由雞蛋帶出母女情，再呼籲大家關注卵巢健康，仲千叮萬囑Ray介紹俾其他朋友睇之前，記住攞定紙巾，因為呢段片非常多洋葱，感動到第一日上載至社交媒體已經有8萬次瀏覽。
聽朋友高度推介，Ray立即開嚟睇下，一開就見到係資深藝人劉玉翠同新晉演員談善言飾演兩母女，個mood真係好溫馨，從日常生活去街市買雞蛋講起，要將雞蛋放在燈下照一照，先至知道邊隻好邊隻壞，由此引申婦女要知道卵巢是否健康，都係要做檢查至知。大家需要知道，根據醫管局香港癌症資料統計中心2014年的數字，卵巢癌位列香港女性第6大常見癌症及第7大致命癌症，不論發病率及致命率，都超越了子宮頸癌，所以希望大家要多多關注。Ray建議大家不妨將呢段片(「卵巢健康行動」網址：http://www.ovariancancer.hk/)介紹俾朋友，令訊息更易於傳播。