打工仔女又有好消息，繼早前渣打大幅增加僱員產假至20個星期後，香港寬頻集團(香港寬頻)宣布由4月1日起，為剛成為祖父母的人才提供「添孫假」三天，以讓人才全情投入迎接家庭新成員，紀念生命中又一重大里程。Ray認為呢項措施都算突破，一來反映現時生育率不高，要商界多加鼓勵，二來亦反映上班族年齡變化，原來做得祖父母的人士，好多仲係當打之年，並未退出職場，所以先至有呢個額外假期。
香港寬頻話，添孫假開放予所有香港辦公室人才申請，申請時只需交出一張包括初生嬰兒的三代同堂合照作證明即可。香港寬頻助理總監陳振宇話，相信賦予人才更大自由度去追尋有意義的個人及家庭生活，可令人才工作時幹勁大增，大大提高工作效率和生產力。
其實睇番呢間公司的靈活假期安排，都顯示實踐「生活工作優次」的決心，例如每周工時35小時、重要節日前夕半天假及每月一次周五半天假、入職紀念假一天、家庭關顧假一天、女性享16周全薪產假、男性享14天全薪侍產假、義工假2天等，依家加埋添孫假，可謂羨煞旁人。想僱員唔單止work hard，仲要work smart的話，唔知其他僱主會唔會跟章呢？