於香港紮根40年的7-eleven，為咗慶祝於香港開到第1,000間分店，推出多項慶祝活動，包括每星期捐1,000隻自家品牌7-SELECT雞髀去非牟利機構「惜食堂」，計劃為期40個星期，即係總共會捐出40,000隻雞髀俾有需要基層市民，受惠人數預料逾萬人。原來早於上年疫情肆虐本港期間，7-Eleven已經為基層市民送上7萬份食物，仲有推出「同心互助」飯券認捐活動，籌得超過55萬張飯券。
7-Eleven由1981年登陸香港，到今天梗有一間喺左近，相信已經成為大家生活的一部分。Ray知道am730訪問咗7-Eleven常務董事劉家昌(Alex)，由佢分享7仔經營策略，同埋嚟緊有咩大計，例如幾時會有日本直送嘅新甜品，而且好快有新一輪印花換購活動。大家留意下星期嘅報道啦！