如果深宵忽然想食番個新鮮水果，或者跑步及運動完後想食隻蕉，好似好唔方便，但原來便利店已經靜靜起革命，24小時營業的7-Eleven已於600間分店提供新鮮水果，其中超過200間分店的鮮果架，仲有齊5款水果，方便忙碌的上班族同學生族都可隨時享用以補充所需營養。大家唔好再以為要專登去街市攤檔或者大型超市，先至買到新鮮水果啦！
7-Eleven老友日前送來新鮮水果籃俾Ray及同事試食，裡面有齊呢5款新鮮水果，包括鮮橙、富士蘋果、都樂香蕉、奇異果及早生青皮蜜柑，當然好快就被同事掃清。Ray手快立即試食其中季節限定的早生青皮蜜柑，呢款來自泰國的新品，外皮呈青綠略帶黃色，有一股清新香氣，夠晒消暑，咬一口金黃色果肉，就發覺香甜汁液非常滋味，忍唔住一片接一片。計落蜜柑含豐富維他命C，又有多種營養及纖維，聽聞仲有助加速膽固醇轉化及預防動脈硬化，要入貨就記得5月30日起，到指定7-Eleven店舖購買。
詳情可參閱 https://goo.gl/KvWFdf