八達通卡又推出新系列造型，今次係夥拍本地創意品牌B. Duck，首度推出B. Duck 3D八達通配飾系列，集趣緻小黃鴨造型與八達通功能於一身，大人細路都啱用，可以加入聖誕禮物考慮之列噃！
呢款配飾系列有3款造型，B. Duck配水泡或冬甩，兩款成人版附設獨特嘅彩珠手鏈和備用掛鏈，小童版則附送別緻頸繩，方便隨身配戴。不過，相信大家最關心係售價，每款定價188元，不設按金及儲值額，將於下周三(本月7日)早上7時起，喺全線7-ELEVEN便利店公開發售。
之但係，Ray比較留意八達通配飾仲有無例如自動增值、「日日賞」等功能，原來都仲有，而且亦可利用備有NFC(近場通訊)嘅Android流動裝置，或與八達通流動讀寫器一起使用嘅iOS裝置，透過八達通app查閱最近40次交易紀錄及進行網上付款。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。