香港迪士尼去年5月找來台灣天團「五月天」於幻想道露天場地開演唱會，反應不錯，最重要係開拓了辦露天演唱會的業務。今年再接再厲，主角係好紅嘅英國創作歌手Ed Sheeran，好明顯係走後生仔女路線，4月17及18日一連兩晚，每場約可容納兩萬樂迷，全部企位，下午4點已經開始入場，可以想像現場必定好high。票價分888及1,288元兩種，1月17日(星期四)上午10時只限於快達票網站公開發售。粉絲要Mark低日子先啦！
其實Ed Sheeran前年的世界巡迴演唱會，原定係有香港站兩場的，可惜佢因踩單車受傷而要取消包括香港的場次，令樂迷好失望。今次捲土重來，係屬於亞洲巡迴演出其中一站，包括台北、東京、首爾、大阪、新加坡等。
而為打擊黃牛飛，今次售票採實名制，有關聲明指購買門票者的名字會列印於門票之上。抵達演唱會場地後，購買者或需提供與列印於門票上姓名相符而附相片的有效身份證以獲許入場。
