煲劇好多時要先研究一下人物關係圖，了解前因後果，對劇情會更加掌握。而家玩minifigures都一樣，好似一眾LEGO minifigures，家族成員眾多，如果知道成員之間的關係，會好玩好多，話題都多D。
話說LEGO minifigures將會全家總動員換上新春造型，進駐沙田新城市廣場同大家拜年，呢個係LEGO全球首個農曆新年主題的節日布置，佢哋個造型都真係幾可愛，有晒新春氣氛，令人耳目一新。Ray同時攞到一張LEGO minifigures親戚人物關係圖，各家庭成員、情侶閨密、寵物主子的身份曝光，一切關係都清楚晒，係粉絲就要熟習一下。至於各可愛成員手上若隱若現的幽默啜核祝福語，就要遲一步先會曝光。
