法國街頭藝術家Space Invader對大家來講都唔算陌生，因為除咗俾有關政府部門鏟走嘅之外，佢嘅作品於香港一些地方都仍見得到，為呢個城市添上活潑色彩。不過，今年9月Space Invader突襲海港城情況就有D唔同，因為海港城對Invader突如其來的「入侵」不但不抗拒，仲感到驚喜萬分，其後更成功與Invader聯絡並正式邀請合作，為海港城設計紀念品，呢次係Invader首次與商場合作，真係創晒先河。
呢排大家去到海港城，可欣賞佢留下18件的馬賽克塗鴉作品，當中除了Invader著名的Space Invader食鬼圖案外，還有船錨、美人魚、emojis及相機等，設計概念與海港城的地理位置及特質互相呼應。
今次Invader就係根據位於海運大廈露天停車場的巨型「船錨」馬賽克圖案，設計限量版雨傘，以monogram方式印上多個炭灰色的「船錨」，其中4個「船錨」為原有作品的鮮黃色，玩味型格十足。
換領詳情：
由2017年12月18至2018年2月11日，於個人Facebook 或Instagram 帳號公開上載3張Invader在香港或世界各地的街頭作品照片(其中一張必須於海港城與Invader作品合照)，並標籤 #harbourcity和 #hcart，以及 @harbourcity。然後到海港城海洋中心三階換領處登記並即場現金捐款200元予「香港血癌基金」，即可領雨傘一把。
