今時今日睇曼聯
如果睇「娜娜」守龍門會頭痛，咁睇加拿祖(Garnacho)真係連呼吸都覺得係折磨。講強項先啦，速度係加拿祖嘅優點，甚至係曼聯陣中前中後加埋最有把握一對一跑贏對手嘅球員。講完喇！缺點就恐怕多到數唔完，單單係跑贏對手後把握力差、傳球決定慢以及傳球視野窄就已經足夠抹殺其唯一優點。
不過咁，人係會進步嘅，唔知會唔會有一日可以成才，你知啦，「圓規」去到西甲畢迪斯都接連攞MVP，打幾場波入波助攻多過喺曼聯幾季，唔排除加拿祖都會有打得好嘅一日，不過跟返「福王」同埋查頓辛祖(Sancho)等前人嘅成功方程式，就算成才都應該唔係喺曼聯。
又理性啲咁睇，其實賣加拿祖真係唯一出路，球員態度唔好，打少個嘅時候被換走發脾4，喺如今連員工都無飯食嘅紅魔，咁唔願意共度時艱，無團隊精神嘅球員真係唔好留底。再講，廉帥嘅3中堅陣式其實並沒有加拿祖嘅位置，放邊路防守力以及體能不足，放前鋒後又唔夠串連能力，真係點放都唔係辦法。再實際啲，趁仲後生sell潛力，都可能有買家承接，不如早走早著，唔好再浪費曼迷本來已經唔係好夠嘅心血。