伊巴轉戰美職聯？

瑞典鬼才伊巴謙莫域喺社交網站發帖表示：「我嚟過，我講過，我征服過！」一貫霸氣之餘，亦似乎暗示會離開英超。伊巴上季轉投曼聯，4月出戰歐霸盃8強對安德列治嗰陣受傷，賽後證實膝部十字韌帶字撕裂，被迫提早收咧，預料要到2018年初才復出。佢不時透過社交網站，向外分享自己嘅康復情況，進度尚算理想，但曼聯已表明唔會續約，令伊巴回復自由身，佢嘅去向亦引起關注。個人認為，伊巴雖然實力毋庸置疑，但要加盟歐洲大球會有一定難度，因為佢唔可以短期內復出，而且年紀都唔細，或者佢會如外界所預料，轉戰美職聯。