香港一代球王胡國雄，星期一凌晨撒手人寰，令人慨歎。呢位前精工及香港隊隊長，可以話係開埠以來，最受球迷愛戴嘅巨星，過去精工同南華各有球迷，但無論係哪一邊嘅球迷，見到胡國雄都唔會柴台，佢亦備受隊友及對手尊重。若胡國雄生於呢一代或其他國家，可能已是名動世界嘅亞洲巨星，可惜後生一代嘅球迷，冇機會睇過佢現場比賽。胡國雄睇通戰局能力強，罰球、射門、傳送樣樣皆能，並且左右腳皆出色；除了球技一流，佢仲係一名絕對好品嘅球星，好少攞黃牌，被對手侵犯亦唔會動氣。當年睇佢同精工嘅比賽，係每周最佳娛樂，呢位精工球王，可以話前無古人，亦好難後有來者，再見，我們的胡國雄！
