卡尼表現落力但仍未開齋。
今屆歐洲國家盃24隊角逐，有16隊可晉身淘汰賽階段。有球迷覺得出線名額太多，令分組賽出現水準參差。 不過，如果球迷有睇開第3輪分組賽，應該又會發現一個有趣情況，正正由於多支球隊要爭奪有機會以最佳第3名成績出線的席位，所以很多時鬥到最後一輪仍然刺激。以A組同得4分的威爾斯與瑞士為例，當時未到完場，都未確認那一隊得次名，那一隊得第3名。以前很多第3輪分組賽屬例行公事，可能賽前已篤定那兩隊出線，但如今賽制令比賽最後一兩分鐘，或者因一兩個得失球，電光火石間影響相關球隊的出線資格，睇波都比以往刺激緊張。
今晚又到D組英格蘭出戰，即管睇隊波表現會否改善。「大佬」英格蘭上一場對「細佬」蘇格蘭互交白卷，予人水準之下感覺，射手哈利卡尼依然未有斬獲，累積兩場竟然射門零中框尤其令人失望。領隊修夫基大派定心丸，事先張揚仍會重用這位隊長兼射手，希望他踢爭氣波。記住開第三聲道，今晚就陪大家睇捷克大戰英格蘭。(捷克對英格蘭Now618及4K 616台周二深夜0300直播，設第三聲道旁述)
文：強尼@NowTV