C朗對逃稅案一直矢口否認，之前仲話唔會出庭，不過啲傳媒好醒嘅，一早就知道佢會聲東擊西。根據西班牙法例，呢類案件當事人除非有特殊原因，如患嚴重疾病等，否則只能申請改期，亦不得派人代其受審。法院門外聚集咗約200名來自世界各地嘅傳媒，但C朗就從秘密通道進入法院，今次聆訊亦唔對外開放。審訊歷時約90分鐘，結束後C朗經地下車庫離開，未有露面發言。現時案件需待法官總結控辯雙方證供，若被判罪成，據稱要支付最少2,800萬歐元，甚至監禁3年半。不過，C朗就冇理咁多，雖然冇參與美國集訓之旅，但都有自己操練。之但係歐洲超級盃對曼聯下周二就踢，睇嚟佢未必趕得切倒戈喇！
