女披唇：柴醫，你有無睇新聞，澳洲10歲女童賣玩具月賺100萬！打算15歲退休。
柴醫：真的厲害。其實柴醫，小學時也展現一點生意頭腦，有機會發達。
女披唇：是甚麼？
柴醫：就係炒萬變卡、龍珠卡、Yes卡。嗰時透過交換、抽卡、低價收集等，然後再到書局成套寄賣。
女披唇：一套卡幾錢啊？
柴醫：大約130蚊左右，那時一支可樂只是2蚊。可想而知，對於小學生來說，已經係大茶飯。
女披唇：咁嗰時咪好風光？
柴醫：同先達廣場一樣，曾經風光過。但一刹那光輝，不代表永恒。賺到錢時，就放學去羅嬸度食串燒，她是一位小販。但隨後，偷卡的人多咗，同埋有一次寄賣老闆説成套卡唔見咗，也不賠償。對於寄賣的人，完全沒有保障。
女披唇：個書局老闆話乜都得喇。
柴醫：所以一名商業奇才被打沉了，然後只能再賣給同學仔。
女披唇：有無得做？
柴醫：其中一位同學仔以賒數購入我200幾蚊的龍珠卡後，話唔見晒啲卡，所以周轉唔到，還唔到錢俾我，同書局老闆差不多。
女披唇：你都幾黑仔喔！
柴醫：做生意係會俾人走數㗎！
女披唇：啊！係啊，柴醫，今日我帶唔夠錢，點算啊？
柴醫：下次先俾喇。
女披唇：我知你點解做唔到商業奇才喇。😂😂
柴醫：😂😂😂
女披唇：我落樓下撳錢💰。