返回 健康 2022-06-08 12:30:00 柴醫鬆一鬆: 李廣冀醫師 對唔住，我衝動咗少少 分享： 女披唇第一次來求診。 柴醫：以前有睇過中醫嗎？ 女披唇：有啊，元朗睇開神醫。 柴醫：神醫，點樣神法啊？ 女披唇：勁多人睇，左右手同時幫兩個病人睇病，幾犀利啊！ 柴醫拍枱：有無搞錯！ 女披唇：柴醫，你唔好激動喇！ 柴醫：連打脈都無誠意，咁我咪㷫囉！ 女披唇：人哋本事啫，一心可以二用。你唔好妒忌喇！ 柴醫：咁又係，對唔住，我衝動咗少少，對唔住，我衝動咗少少。 女披唇： 後記：柴醫最後一句對白，係出自周星馳系列中，哪一套電影？
