彌敦道上，一位大嬸頭插數支針，柴醫被嚇了一嚇，做乜針灸住仲周圍走，真係福大命大。
令柴醫想起當年一位披唇(patient，病人)──一位自信大媽帶著女兒入診室，女兒頭上還插住3支針，感覺似Q太郎。
柴醫：嘩！做乜事頭上插住針？
自信大媽：我同你一樣，都係中醫！
柴醫心諗，想點啊？踢館啊？
柴醫：你阿女有乜唔舒服啊？
自信大媽：她有啲頭痛，我咪同佢針灸囉！
柴醫戰戰兢兢：仲有無其他唔舒服？
自信大媽：流鼻水、咳嗽、咽喉有點痛。
柴醫：開啲感冒藥比阿女食。
自信大媽看著柴醫開方，點點頭，然後問：可唔可以睇埋我？我都有啲唔舒服。
柴醫鬆一口氣：當然可以，出去掛個號啦！
後記：估計呢位大媽在內地做針灸，對內科不太熟悉，也未必是醫師。