一位日理萬機的披唇入嚟。
柴醫：陳生，你有甚麼不舒服啊？
陳生：今次麻煩啦，我……
這時大老闆電話響，似乎是重要電話。
陳生：係，係，俾個客知道，有300個剩，最多俾多小小小優惠。係，係，你同……okay okay bye bye。唔好意思，柴醫，我哋繼續。
柴醫：你有甚麼不舒服啊？
陳生：今次説來話長啊！我……
這時大老闆電話再次響起，再次接通。
陳生：我睇緊中醫啊，係啊，你再同他傾下先啦，總之個Space X project 唔衰得㗎，啲火箭玩具已經好受細路歡迎。好啦好啦，bye bye bye bye。
柴醫：陳生，我唔係好方便聽你公司的商業機密喔。
這時柴醫電話響起。
柴醫：喂，moshi moshi。啊，係，係，我而家算財務正常啊，無啊，唔係太需要。如果真係要借，可能想借一億。(另一端收線)
柴醫：陳生，唔好意思，財務公司打嚟。
陳生：唔緊要，我今次大件事喇。
柴醫電話再次響起。
柴醫：唔好意思，個仔打嚟。
喂，小番薯，個最新Lego放咗喺邊？我返嚟幫你揾啊！我做緊野，今晚幫你揾。okay okay bye bye！
陳生：柴醫，我覺得你應該專業啲，開工睇症唔應該接任何電話。更何況你啲披唇每秒幾百萬上落。
柴醫：係囉！我都覺得係，不如我哋一齊將電話靜音，開始今次的睇症喇。
陳生：我直頭關機添啊，費事中途騷擾到我哋。我有三種暗病……
柴醫：知道咗就唔叫暗病。
陳生：okay，我有三種隱疾……