小栗子與小番薯，臨睡前要我講故事。柴醫惟有運用想像力，講一個寓言故事。😃
柴醫：從前有一隻獅子爸爸，有兩隻獅子BB，呢兩隻獅子BB唔肯瞓覺，要獅子爸爸講故事。獅子爸爸就話啦：好啦好啦，我講一個故事俾你哋聽啦。好耐之前，有一隻老虎爸爸，有兩隻老虎BB，兩兩隻老虎BB唔肯瞓覺，要老虎爸爸講故事。老虎爸爸就講啦：好啦好啦！我講一個故事俾你哋聽啦！
小栗子：又係咁！😂😂
小番薯：哈哈哈！😆😆
柴醫：老虎爸爸就話啦，從前有一隻獵豹爸爸，有兩隻獵豹BB，牠們好夜都唔肯瞓覺，要獵豹爸爸講故事，獵豹爸爸就話啦，我好攰啦，快啲瞓啦！
小栗子小番薯：Good night Daddy Mammy~😘😘
後記：小番薯與小栗子已經掌握了故事的寓言意思，唔錯唔錯！