披唇：我成日都一日食一餐。想再瘦啲。
柴醫：你已經好瘦，一日食一餐身體更虛，容易頭暈水腫。
披唇：有無辦法可以精神啲、靚啲？
柴醫：常欲令飽中飢，飢中飽。
披唇：甚麼鄭中基？
柴醫：唔係鄭中基，而係飽中飢，意思係，飽要留幾分餓，餓要留幾分飽。
披唇：飽中有餓，餓中有飽，餓餓飽飽，飽飽餓餓。
柴醫：你終於明喇？
披唇：要平衡，唔可以去到太盡。若然太盡，勢必早盡。
柴醫：你要早上食得似皇帝，中午食得似土豪，夜晚食得似乞衣。
披唇：我係早上唔食似乞衣，中午食得多過乞衣小小，夜晚又唔食，凍到似乞衣。
柴醫：所以你咪仲瘦過乞衣囉！
披唇：😆😆😆