一位老人家，身體多病，心情麻麻。
老人：老囉，無用囉！周身病，高血壓、心臟病、膽固醇高，最近又生蛇，皮膚又濕疹，肩周炎，頸椎又痛，手指麻痹。
柴醫：你屋企有無龍珠？
老人：柴醫，你又想做神棍抗疫？
柴醫：唔係啊！龍珠其實大有用處，喺現時點商場，買兩粒龍珠，放在手中，當係陰陽球把玩，採取滾、揉、挫、壓、捏、蹭等技法運動雙手，刺激手掌穴位。每日玩30分鐘到60分鐘。
老人：可以降血壓？醫手麻痹？
柴醫：當你將心意集中係龍珠上，你的煩惱便暫時拋諸腦後。掌心的勞宮穴，以及大小魚際按摩，能改善便秘、心臟氣血運行，有很好的保健作用。
老人：總好過成日唉聲嘆氣！