權八係一間我好欣賞嘅日本餐廳，佢哋每幾個月就會有啲日本乜乜縣嘅食材祭。可能你會話：喂！好多餐廳都係咁啦！有咩咁特別啊？特別之處，在於餐廳老闆同大廚，每次都會親身飛去當地揀選最時令嘅食材，甚至將當地一啲地道得嚟，而香港人比較少見嘅菜式帶到餐廳。最近佢哋引入宮城縣時令食材，作為生蠔控，一見到個menu已經即刻衝去試佢個石卷蠔！石卷蠔肉質飽滿，口感爽脆，帶淡淡海水味，配以蘋果寒天同可愛嘅紫蘇花，提升蠔身鮮味！而且隻隻都手掌咁大隻，一啖瀡落口真係超有滿足感！
仲有仲有，每次去食飯都會發現身邊有一兩枱日本客人，連日本人都幫襯，證明質素有番咁上下啦！而且我非常非常欣賞員工嘅笑容可親，服務又超貼心！講真，依家出街食飯有幾可唔使受職員氣㗎？呢間餐廳，慾女真心推薦！
權八 銅鑼灣希慎道33號利園一期四樓 2787 3688
ADVERTISEMENT
立即更新/下載AM730手機APP 體驗升級功能
