女人愛甜，蛋糕、雪糕、馬卡龍無一不歡。點解女人這樣愛甜？多數答案是「化甜為力量」，工作欠順、戀情失控、生理因素，都要用甜來開解。吃過甜品，就會心情360度轉變，由不開心變為好開心。女人，睇落複雜，又睇落簡單，難以捉摸。而喜愛日本甜品的女士們，有個喜訊話你知。東京Hilton酒店推出以法國王后「瑪麗安東妮的婚禮」為主題的甜品放題。先說店內裝置，全以16世紀法國皇室布景，門口裝置了圓拱形門口。入店後，即看到放滿靚到你唔信的法式甜品，包括以法國玫瑰製成的蛋糕、布丁，當然不少得馬卡龍，不同味道的馬卡龍滿布一個圓錐形的擺設，見到已想伸手拿來吃。
品嘗這高級甜品前，店內設有影相時間，想「高炒」，有凳仔提供等你企高點。甜品擺設中，枱上布滿法國玫瑰花瓣，皇室馬車、高跟鞋、精美茶葉禮盒、婚禮蛋糕等，當中最靚，就是法國宮廷吊燈，在燈光襯托之外，甜品色彩更美。
放題時間開始前，職員會用手機在不同位置拍攝，務求任何角度也可拍攝出最美相片，令食客不用花太多時間來拍攝，這是日本人的窩心。
電視台訪問了一眾女食客，她們也表示，甜品當然吸引，但來店最終目的，就是要拍攝多幾張美得難以形容的相片，之後將相片放在社交平台，吸引多些人觀看。香港女士們想一試日本最高話題之甜品，可到以下網站了解。
ADVERTISEMENT
立即更新/下載AM730手機APP 體驗升級功能
