上周說到，藍紅頭及學生仔兩個靈，在「靈茶餐廳」跟我乞求。答應給他們燒些東西，他們才托出自己的身世。藍紅頭是老大，所以由他開始。他是傳統香港屋邨街童，6歲便開始在座與座之間穿梭，睡醒就穿著卡通TEE+拖鞋外出闖蕩。說他身上有黑色「散子包」，裡面準有幾塊錢，每天從老媽那裡偷來。他認識的眾朋友，都是上課前或放學後出來流連的「口靚仔」。他不叫自己是童黨，只是「埋堆一起玩」的死口靚仔。
(我想起80年代電影童黨，裡面的角色叫大強、小妖、昏迷......) 學生仔是跟他的「口靚仔」之一。但如果論親密，卻比不上另一兄弟「煙囪」。藍紅頭講：「我同煙囪從小學一年級認識，佢哋同我屋企差唔多咁窮。因為我哋老母成日打麻將，所以去佢屋企玩，老媽子包冇詐型。有日佢喺傻仔同學屋企搶了一台紅白機(任天堂)。我哋打了2天2夜，打完瞓返3日都唔掂。」
說的時候，臉上綻放自豪，兩頰卻不停冒大汗。「後來讀書中三就放棄，因為老竇話我喺屋企白食白住，煩到嘔。
我朋友介紹我去整冷氣，同喺地盤安裝抽氣扇。」他突然煞有介事的湊前來小聲說︰「你識唔識邊個叫XX輝(某已故地產商)。」
(待續)
ADVERTISEMENT
立即更新/下載AM730手機APP 體驗升級功能
