借錢來電施永青一招搞掂

相信唔少人都曾經試過收到借錢電話，你收到電話時會點應對呢？消委會邀請幾位社會知名人士拍攝短片，以「借錢來電．一招搞掂」為主題，分享如何擊退借錢來電，今日率先登場的就有消委會總幹事黃鳳嫺，佢提醒年輕人「先使未來錢，愈借愈可憐」。Ray仲知道，中原集團主席兼總裁施永青下周一亦粉墨登場，叫大家唔好同中介「分身家」，想睇就要留意住消委會網頁同《選擇》Facebook專頁啦！

另外，消委會同財經事務及庫務局合作製作的借貸短片，今天就推出第3集《拒絕借貸誘惑——借錢來電》，搵嚟網絡紅人，「小薯茄」嘅程人富用幽默風趣方式，教年輕人應對借錢來電。影片中嘅程人富使出「開天殺價」、「反sell再反sell」及「推理大師」三招，提醒年輕人收到借錢電話時要提高警覺，勿誤墮借貸陷阱。影片同樣在消委會網頁及Facebook專頁有得睇。