Ｘ途瘦獸

「Ｘ途瘦獸」這類美顏App不但為很多平凡女子「締造」花容月貌，就連見慣大場面的藝人們，都一定要用過美顏APP，才敢把自己的相片上載到自己的社交平台上「示眾」。曾經在本欄提到「Ｘ途瘦獸」如何影響我們的工作：拍廣告硬照時，女藝人自覺「攝影技巧」(其實應該是手機執相技巧)比專業攝影師「出色」，於是只要即時見到拍攝的原圖就立即指指點點，搞到僵持不下……這種風氣就連一般人都沾染到了──話說小弟接了一個連續多期刊出的訪問，對象都是一個金融機構的一群中高層員工，每一次稿件的版面設計出來的時候，「真正的戰爭」才開始，因為男男女女都覺得自己當日已經打穿得如明星般閃亮，為何出來的效果還是比較平凡？「我想塊面瘦啲。」「影咗我個黑眼圈喎……」「乜我冇縮肚咩？」於是就要勞煩美術人員執相，但專業用的執相軟件，做法和效果都跟美顏App不一樣，令到這班被訪者覺得「乜你哋唔係pro咩？點解我哋執嗰啲仲靚過你哋？」向他們索取參考照片……嘩，只能說「判若兩人」！美術人員都笑說：「不如佢哋供相啦，我哋就真係做唔到改頭換面！」唉，他們真的來相的話，都是只得幾十K的檔案……怎樣做稿？唯有每次是我做夾心人，兩邊都安撫！