恒生高層齊唱壯志驕陽

上周末有口福！因為是恒生銀行一年一度宴請傳媒朋友聚餐，大家聚首在恒生總行24樓博愛堂，享用聞名已久的蛇羹及花膠湯等美食。唔單止有得食，仲有遊戲玩同抽獎，其中要鬥快於現場搵隱蔽的QR Code找出同恒生有關的資料，都非常好玩，大家打成一片。

最精彩節目當然是卡啦OK，打頭陣有副董事長兼行政總裁鄭慧敏(Louisa)大開金口，與一眾同事齊齊唱張學友首《壯志驕陽》，即刻令全場氣氛熾熱起來，並希望2019年有個好的開始！之後有不少傳媒朋友亦大展歌喉，包括有「今期流行」我最喜愛的男歌手古天樂嘅歌曲，大家確實好唱口！