唔夠一個月，萬眾期待嘅《The Last of Us Part II》就會推出，更公布會有限定版主機套裝推出，如果PS5真係如無意外喺年底推出，咁呢部就有可能會係PS5前最後一款合作機，唔知大家係會更有興趣，定反而明知新機在即選擇無視？講起隻game，早於4月尾5月頭，已爆出唔少流出主要劇情及片段，而且涉及嘅都係近年好受爭議嘅題目，包括女同性戀、女權、黑人等等，淨係睇關鍵字已經知唔少料，所以當時好多人睇完流出劇本都反感，仲講到非常不滿連遊戲都要玩「政治正確」，紛紛話拒買，搞到Naughty Dog副總裁Neil Druckmann喺IG還擊，叫人唔鍾意同性戀、不同膚色或女性，都唔需要做你生意，態度超級強硬之餘，間接承認咗流出劇本嘅真實性！其實今次續集，一早已暗示長大成人嘅主角艾莉(Ellie)會係同性戀者，相信劇本真係會大量涉及呢類題材，到底到時會唔會因此影響銷量？好快就知啦！
ADVERTISEMENT
送大埔超級城《金馬喜迎春》禮盒
