第一次，始終最難忘！講緊嘅係7-Eleven公布LINE FRIENDS及Sanrio characters喺香港史無前例嘅跨界合作，推出一套10隻「友MUG頭」陶瓷杯系列，三心兩意嘅粉絲終於圓夢了。
咁難忘嘅第一次，點止得10隻mug，原來成個換購活動以「EAT‧PLAY‧LOVE」為主題，呢批mug係第一浪嘅「PLAY」系列，將由下周三開始至明年1月24日內換購。至於第二浪，就預告咗係以「EAT」為主題，換購詳情就稍後公布。
關於換購方法，只要喺換購期內，於全線7-Eleven(迪欣湖及迪士尼行政大樓分店除外)購物滿20元即送印花1個、滿30元送2個、滿40元則送3個，如此類推；顧客憑20個印花或以7個印花加28元，即可隨機換購其中一款。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。