8分鐘除咗夠時間淥兩個杯麵，原來仲可以開戶口！Ray昨日去咗聽星展銀行(DBS)介紹網上新服務，獲DBS邀請嘅合資格星展信用卡客戶，可用短短8分鐘時間就可在網上登記成為豐盛理財客戶，全程不需交文件、落分行辦手續。
DBS零售銀行業務及財富管理存款及抵押貸款董事總經理陳偉思(Vivian)(右)仲同Ray講，如果客戶嘅可投資金額達100萬元，仲送免費雙人來回沖繩機票，達200萬元就可獲芬蘭機票去睇極光添。Vivian話，雖然今次信用卡新客無份，但團隊都好落力諗緊新計，等新客明年都唔使特登去銀行開戶口。