am730報慶，大班同事中午去咗酒樓慶祝，施永青施老闆同同事講話，紙媒愈來愈難經營，呢一年幾報社都冇錢賺，同事亦分享不到利潤，故決定將近月累計虧損暫時唔計住，重新起錶，希望透過近期的成本調整及開源節流，重新做到個個月賺錢，咁就可以再實行三三制與同事分享利潤，即盈利三分一做股息派給股東，三分一保留做發展，最後三分一由有份工作的人員共享。說罷，全場同事歡呼叫好。
畢竟，am730是獨立經營的傳媒，須力求不偏不倚，並要面向市場自負盈虧，Ray真心希望am730度過逆境，重回有盈利的狀況。下午返到公司，am730舊同事Ada送來超大生日蛋糕，上面有好多個好搶眼的黃色芒果，亦有鮮紅色的士多啤梨，充滿盛夏感覺。多謝Ada。