相信好多朋友都試過飛行里數即將過期，令你難捨難離的煩惱，而家「亞洲萬里通」(Asia Miles)終於公布新玩法，等1,200萬會員可以延長里數有效期，達到長玩長有，里數可以永續的效果。
新玩法不複雜，由2020年1月1日起，亞洲萬里通會員只要每18個月至少賺取或兌換里數一次，其帳戶內里數的有效期將會延長，即係不再限於入帳後3年就到期。賺取里數方法不限於乘搭航班，亦包括使用國泰或亞洲萬里通聯營信用卡簽帳消費，或將夥伴信用卡積分轉換為里數。另外，以里數換取旅遊獎勵(酒店住宿、租車等)，或以里數兌換禮品等，甚至OpenRice訂枱賺里數，買單次旅遊保險都得。
不過要留意，新的永續玩法只適用於2020年1月1日後賺取的里數，之前賺取的里數仍然以有效期3年計算。