每個世代都有其獨特的消費力，現在商家覷準千禧世代。好似新世界集團旗下的重頭項目Victoria Dockside，裡面樓高10層的K11 MUSEA，就係為迎合千禧世代的消費群而設，集團公布會喺明年第3季開幕。
見到K11 MUSEA呢個名，Ray好奇有咩意思，原來靈感係來自「海邊的希臘女神」 (A Muse by the Sea)。Muse繆斯女神係古希腦神話主司文學、科學、藝術及知識泉源嘅女神，建築物以其命名，仲將會屹立喺尖沙咀海旁，可以想像就好似有個希臘女神優雅地站在海邊，令人無限聯想。
