(左起)am730社長Alan、副社長Ray、營業總監Clara及高級營業總監Day一同見證抽籤結果。
廣告創作人Dave Ho教路成功嘅廣告橋段最好要在一分鐘內帶出Key Message，令觀眾留下深刻印象。
香港廣告客戶協會主席David Yeung(左)及香港電訊有限公司市務傳訊經理Johnny Ng(右)深入淺出教授廣告人度橋的每個階段。
望穿秋水！由am730主辦嘅第五屆「全港中學學界廣告賣橋王」成功招募接近200隊中學生參加，參賽隊伍數目猶勝上屆。基於交通問題及安全考慮，原定本月中舉行的抽籤儀式特別改為Facebook Live直播，大會同時請來三位廣告界高人拍短片，為參賽同學提供「廣告雞精班」。香港廣告客戶協會主席David Yeung今年聯同拍檔－香港電訊有限公司市務傳訊經理Johnny Ng同大家上堂。佢地提醒同學最重要要了解品牌於市場上嘅優勝之處，做廣告嘅終極對象及目標，對症下藥，至可以諗出獨一無二廣告橋。另一位廣告創作人Dave Ho就分享咗幾個有心思嘅方法來取悅客戶。想睇多Ｄ貼士，同學們記住收睇「高人教路工作坊」影片喇！雖然今年各贊助品牌商未有機會與各參賽同學見面住，但都做足準備功夫，將品牌資料和比賽題目製成有聲有畫嘅presentation，同學們就可以在家無限loop，睇清楚客戶嘅比賽要求而備戰！Ray希望同學們enjoy整個比賽過程，亦好期待你哋在未來三個幾月嘅努力成果，等住你哋提案日表演啦！
重溫抽籤儀式：http://bit.ly/340SKdd
