人性與勝人
我常常都覺得，世上最重要的道理，都是最簡單，卻是最易被忘記的。例如愛，人人都會，人人都知道愛是甚麼，但好像很大部分的電影、電視、音樂、藝術……最後都是宣揚愛。如果愛人就好像飢餓要吃飯，那麼就不用何時何地都要提醒你「要愛別人啊」。例如勤奮，誰都知這是有益的，但大家總是想懶想睡，似乎天天都要人提點「勤力啲啦」不然就忘記了要勤力。
我們天天都要刻苦地戰勝人性，在最冷的天氣下爬起床上班出門，記住向不同的人關懷，每次下決定都充滿著愛地球愛地球人的心，面對最壞的事情都要笑住面對。因應我們的人性，天天都想倒轉來做，所以就要不斷地喝心靈雞湯，抑制住內心的惰性與魔性。
投資市場是人類的集體意志，當然反映著人類情緒與心理。我不是股票專家，做不到任何專業分析，但人性就不用專家也看到。借香港市場作例，股市指數何以低？因為股票沒人要，越賣就越平，反之亦然。股市樓市都一樣。
人性其中一樣就是善忘。記不記得好多人講過「唉，如果去返當年沙士，我趁低位買返幾個單位，而家唔使做啦」？又有聰明人會回答：「去到嗰時你又唔會買，或者買唔到啦。」今日香港，有留意市場的都苦埋口面，但不是給大家機會去買嗎？當下萬五點恆指，假設5年後是(唔好諗太高吖，就只係去返)3萬點，就是上升100%的回報，不計複利一年有20%，計算埋複息都有15%一年。回到基本問題，你信唔信5年後(或內)恒指能再有3萬點？咁有雞先定有蛋先呢？就係冇人信，所以恒指咪萬5囉。
人性就是，當恒指有一天，回到高位，大家就後悔「點解嗰時唔買？」又或者，在樓價高位時，為甚麼就覺得樓價只會明天會更高？人人都搶樓時，自然很易搶埋一份；人人都唔敢買時，你亦「唔敢買」埋一份。我並不是想估市場，我完全唔識嘅，亦唔知股市同樓市何時會升返(或者會不會再升返)，但看來投資和做人一樣，每一天都要叫自己不要跟人性，因為人性好易叫你下錯決定。戰勝人性，才可以勝人。