前金管局總裁、新任行政會議成員任志剛昨日網誌少有的不談財金問題，反而係講下早前去加拿大探親的旅程，包括順道到魁北克一遊，陪太太尋找某電視劇集的拍攝場景，Ray一望之下，發現任太Miranda也是韓劇fans，煲嘅係由孔劉主演、早前大熱的《孤單又燦爛的神—鬼怪》。
任總一共po咗5張相，第一張簡簡單單一道紅色大門，就係劇中的男女主角由韓國通往加拿大的神奇大門，有煲過此劇的朋友，應該有深刻印象。而另一張大草地開揚景色，更係招牌景之一。《鬼怪》本身情節淒美，任總今次陪太太去實地回味一下她喜愛的劇集，仲話「可惜不是秋天，未能拍到劇集中的紅葉。但相信我們會找個秋天舊地重遊。」也來浪漫一番。