早幾日Ray收到Air Canada嘅邀請，話將會公布一個全新合作計劃，出席者仲有機會抽中加拿大航空來回加拿大機票。咁神秘，Ray日前就去咗一探究竟！原來加航聯乘Travel Resources Limited推出全新旅遊體驗品牌OCanada，將會配合加航覆蓋嘅航線推出旅遊package，加航香港及南中國區總經理林漢基(左1)介紹個陣就話OCanada呢個品牌係用加拿大國歌第一句歌詞命名，目標係希望帶大家深度遊歷加拿大各個城市，同時享受到加航嘅頂級服務。會上仲安排小話劇，精選推介幾個熱門旅遊城市，聽完都想即刻飛去黃刀鎮追極光，又想去聖約翰斯近距離睇浮冰！可惜Ray最後同張來回機票無緣，不過都係時候諗諗幾時放假，下次旅行一於飛轉加拿大！
