「冧莊」續任環境局政治助理的區詠芷(Michelle)日前同傳媒茶敘，發現佢曬得一身健康膚色，細問之下，原來早前趁未履新頻頻去游泳池練水，備戰10月29日舉行的維港渡海泳。
今年維港泳由往年的鯉魚門移師尖沙咀公眾碼頭出發，終點為灣仔金紫荊廣場公眾碼頭，重演40年前渡海泳路線。Ray一聽之下都幾擔心維港水質，不過Michelle力sell政府推行多年的淨化海港計劃已見成效，所以身體力行，證明維港水質very good。
維港泳賽道全長1千米，相等於一個國際標準泳池20個塘，Michelle平日練水會游25個塘，keep住個紀錄大約要35分鐘，不過實戰環境浪比較大，所以無特別set俾自己游畢全程嘅目標，笑笑口話目標係游完就算。