卡樂B最近有新品登場，粉絲注意啦！今次由阿粟擔正做主角，全情投入為港人研發新口味，粟一燒系列於是大變身，換上全新衣裳，一口氣推出9款新口味，款款阿粟都相當有個性，每款口味配搭專屬顏色包裝，令大家眼前一亮，包括星級推介的「燒烤味粟一燒」及「香辣味粟一燒」，仲有上湯龍蝦味、粟米濃湯味、蒲燒鰻魚味、炭燒蜜糖雞味、炒蒜味及麻辣味。
不過最最令Ray期待的，是嶄新口味「煙燻芝士味粟一燒」。由於近年芝士熱潮興起，卡樂B創作團隊深深體會到芝士的迷人魔力，利用木材不完全燃燒所產生之煙燻製食品，芝士染上燻木的香氣，瞬即幻化出絕妙風味，將味道層次昇華，衝擊味覺。打開包裝隨即芝香四溢，細嚼之下會滲出獨特煙燻味道，豐富芝士的香濃鹹香，嗅覺及味覺上的雙重享受，絕對讓您一試上癮，好似阿粟咁，Keep住把火！