1540年，西班牙人García López de Cárdenas最先發現了「大峽谷」開始。到1869年，由地理探險家John Wesley Powell與探勘隊進入，至1911年被規劃為國家保護區，叫這原本只屬印第安Hualapai部落的大峽谷，終於1979年被列入「世界遺產」的名銜。
現今的大峽谷國家公園，正正早於1908年因應羅斯福總統提倡而被規劃，再於1911年成為國家保護區。八年後的1919年，美國國會將當中大約170公里最深和景色壯麗的一段，通過法案為國家公園，以作為生態及地質的教育研究。其實去得拉斯維加斯，必定會去埋大峽谷，Grand Canyon National Park距離Las Vegas大約400公里，有單程5小時嘅長途巴士或直升機遊覽作選擇，不過青春有限，最好唔好慳啦！
有西部冇難度
大峽谷本身被分為南崖、西崖及北崖，South Rim係無敵招牌景點，喺健行路線同鐵路嘅所在，但就係唔近Las Vegas。但係North Rim因為交通不便和地勢險要，所以只能夠選擇大部分地區不屬國家公園範圍內嘅West Rim，不過好在建有Grand Canyon Skyway即U形玻璃橋作賣點。
從懸崖邊延伸二十米嘅玻璃橋係近十年先興建嘅景點，位於峽谷最深地區，距離谷底大約1,200米。原來呢度係屬於印第安Hualapai部落的保護地區，所以亦有特色的帳幕，同埋有印第安部族人可供拍照留念。講到企位影相，亦有遊客好勇咁企到懸崖邊引人注意，偶爾亦聽聞出事。行Canyon Skyway除要俾錢上橋之餘，亦要寄存所有物件，所以請預咗要同佢買相片。當然影相亦唔單止喺呢個地點，其實有唔少旅客都鍾意選擇做露營人士，不過只限於South Rim那邊。
有建設冇種族
其實大峽谷不只可作遠觀，其地質經長年侵蝕，堆疊的頁岩、砂岩、石灰岩等，具地質和古生物學者進深研究。昔日Colorado River(科羅拉多河)將洪水帶來，歷經長年切割出長達四百多公里之峽谷。無奈被後期所興建的Glen Canyon Dam(格倫峽谷水壩)同Hoover Dam(胡佛水壩)影響了本身的生物活動和生態環境。
其實被破壞的仲有原住民印第安Hualapai部落，雖然表面上部落是一個民族。但在昔日被殖民白人的種族屠殺，以及所帶來的傳染疾病，其古代文化已經遺失殘存。而附近之Hualapai Ranch所謂牧場其實只是簡單的酒店，仲要係白人嘅西部風情牛仔味道。昔日民族文化，有如大學畢業要求，都要加入普通話考試合格作為開始，咁何必呢！